‘ब्लाइन्ड रक्सले सोच बदल्यो’ :  वेनिशा हमाल

१६ वर्षको उमेरमा दृष्टि गुमाएकी सृष्टि केसीको जीवनीमा आधारित रहेर फिल्म ‘ब्लाइन्ड रक्स’ बनेको छ । मिलन चाम्सद्वारा निर्देशित यो फिल्म यही शुक्रबार अर्थात् फागुन १८ गतेदेखि प्रदर्शनमा आउँदैछ । सृष्टिको भूमिकामा नायिका वेनिशा हमाल प्रस्तुत भएकी छन् ।

‘यो मेरो लागि चुनौती र अवसर दुवै हो’, सोमबार आयोजित प्रेसमिटमा वेनिशाले भनिन्, ‘ब्लाइन्ड रक्स खेलेपछि दृष्टिविहिन र अपांगता भएकाहरुप्रति हेर्न मेरो दृष्टिकोण नै बदलिएको छ ।’ वेनिशाका अनुसार दृष्टि गुमाएकाहरु पनि दृष्टि भएकाहरु जत्तिकै सक्षम छन् । ‘देख्न सक्दैन भन्दैमा उहाँहरुलाई विशेष व्यवहारको आवश्यकता छैन् । उहाँहरु पनि सामान्य मानिस सरह हुनुहुन्छ । उहाँहरु हामी जस्तै सक्षम हुनुहुन्छ, वेनिशाको भनाई छ । दृष्टिविहिन सृष्टिलाई पर्दामा उर्तान झण्डै ६ महिना अभ्यास गरेको वेनिशाले बताइन् ।

सृष्टिले आफ्नो जीवनलाई वेनिशाले न्याय गरेको उल्लेख गरिन् । दर्शकले राम्रो रुपमा लिनुहुन्छ भन्ने विश्वास लिएको छु, सृष्टिले भनिन् । आमा परमेश्वरीले पनि ब्लाइन्ड रक्स मा वेनिशालाई सृष्टिकै रुपमा देखेको बताइन् । फिल्म हेर्दा म त रोए, सृष्टिकी आमाले भनिन् । निर्माता निकेश लिम्बुले फिल्मलाई सबैले रुचाउने विश्वास राखे । निर्देशक चाम्सले फिल्म राम्रो बनेको विश्वास दिलाए ।

‘ब्ल्यान्ड रक्स’मा सृष्टिको आमाको अभिनेत्री गौरी मल्लले आमाको भूमिकामा प्रस्तुत भएकी छन् भने प्रेमीको भूमिकामा अर्पण थापा छन् । फिल्मको युके र हङकङमा प्रिमियर शो गरिएको छ । वेनिशा, सृष्टि र उनकी आमासँग गरिएको रमाईलो कुराकानी हेर्नुस् :

प्रतिक्रिया
हाम्रो टिम :-
प्रबन्ध निर्देशक/प्रधान सम्पादक : उत्सब रसाईली
अफिसियल फोटोग्राफर : उद्धव रसाईली
बजार प्रबन्धक : कुशल घतानी
ग्राफिक्स डिजाइनर : विजय बस्याल 'टौवा क्रियशन'
हाम्रो बारेमा
एउटा तीतो यथार्थ के छ भने नेपाली समाजमा फिल्मलाई अझ गम्भीर रुपमा लिइदैन । हल्का र टाइमपास जस्तो मात्र ठानिन्छ । प्रगतीतर्फ उन्मुख भए पनि कलाकर्मीलाई हेर्ने दृष्टिकोण अझ साँघुरो छ । र, यो सम्मानभावलाई अझ चुचुरोमा पुराउँदै फिल्म उद्योगप्रति सबैले सम्मान गर्ने माहौल सिर्जना गर्नु दायित्व पत्रकारिताको पनि हो । हामीले यसलाई अनुग्रह भन्दा कर्तव्य ठानेका छौं । त्यस्तै, कलाकार र दर्शकबीचको दुरी कम गर्दै फिल्मप्रति अपनत्व भाव विकास गर्न पनि हामी खुलेर लाग्नेछौं ।
© Copyright 2017 by RamailoChha