‘झोला’ टिमको ‘भोर’ : टिजरमा दाइजोको पिडा

फिल्म ’भोर’ (फर्स्ट लाईट) को टिजर रिलिज भएको छ । यादवकुमार भट्टराई निर्देशित फिल्मको सार्वजनिक टिजरमा दाइजोको पीडा झल्काइएको छ । फिल्म ’झोला’ बनाएर प्रशंसा बटुलेको टिमले ’झोर’ बनाएको हो । फिल्म मौलिक तथा सामाजिक कथाा आधारित रहेको टिजरे संकेत गर्दछ । टिजर :

’झोला’ कै ब्राण्डमा अडिएर निर्देशक भट्टराईले ’भोर’लाई अघि सारेका छन् । टिजरको सुरुवाती प्लटले त्यस्तै छनक बोल्छ । ’झोला’ लाई माया दिएका कोहि पनि दर्शक ’भोर’बाट निराश हुन नपर्ने भट्टराईले दाबी छ । सम्पुर्ण छायाँकन जनकपुरमा गरिएको फिल्ममा मुख्यतः मिथिलाञ्चलको प्रमुख व्यथा दाइजोलाई बोल्छ । गत बर्षको छठ पर्वदेखि यो बर्षको छठसम्म लगाएर एक बर्षको लामो समय लगाएर फिल्म खिचिएको हो ।

भट्टराईले निर्देशकिय डेब्यू फिल्म ’झोला’ कै सेन्टिमेन्ट ’भोर’ ले बोल्ने भन्दै दर्शकलाई आफ्नै गाउँ समाजको कथा लिएर आउँदै गरेको भन्दै साथ र सद्भावको अपेक्षा पोखे । आधुनिक युग बोल्दै गर्दा पनि आहिलेको समयमा सम्म दाइजोको कारण लिङ्ग पहिचान गरेर छोरीको भ्रुणमै हत्या हुने, जति पढायो उति नै बढि दाईजो दिनुपर्ने भएका कारण नारीहरु शिक्षाबाट बन्चित भईरहेका जस्ता यथार्थ तथ्य सर्व्विदितै रहेको भन्दै दाइजोलाई मानव हिंसाको संज्ञा दिएका निर्देशक भट्टराईले यसलाई समाजबाट निर्मुल पार्ने महाअभियानको रुपमा ’भोर’ लाई लिएका छन् ।

निर्माता राज तिम्सिनाले घर समाल्ने महिला नै असुरक्षित भएपछि पुरै परिवार नै लथालिङ्ग हुँदै आएको स्मरण गर्दै दाईजोले मानवतामाथि नै प्रश्न उठाईरहेकोले यीनै र यस्तै विषयवस्तुमाथी रहेर फिल्म निर्माण गरेको बताए । आगामी बैशाख २१ लाई प्रदर्शन मिति तय गरेको फिल्मको केहि दिन पहिले इोस्टर रिलिज गरिएको थियो ।

राजसँगै रामगोपाल थापा निर्माता रहेको फिल्मका कार्यकारी निर्माता देवेन्द्र सुवेदी हुन् । मिडिया फर कल्चरको ब्यानरमा निर्माण भएको फिल्ममा रामनारायण ठाकुर, डली सरकार, प्रमेश झा, अनितारानी चौधरी, विष्णुकान्त झा, राजेश सक्सेना, बिएन पटेल, पुजा कर्ण लगायत लिड रोलमा छन् । फिल्मका सबैजसो कलाकार स्थानिय छन्, जहाँ नाट्य धुन्धुरदेखि नयाँ अनुहारसम्म अटाएका छन् ।

किसन अर्याल मुख्य सहायक निर्देशक रहेको फिल्मलाई दिपक बज्राचार्यले खिचेका हुन् । फिल्मको कथा कृष्ण धारावसीले लेखेका हुन् भने पटकथा निर्देशक भट्टराईको नै छ ।

प्रतिक्रिया
हाम्रो टिम :-
प्रबन्ध निर्देशक/प्रधान सम्पादक : उत्सब रसाईली
अफिसियल फोटोग्राफर : उद्धव रसाईली
बजार प्रबन्धक : कुशल घतानी
ग्राफिक्स डिजाइनर : विजय बस्याल 'टौवा क्रियशन'
हाम्रो बारेमा
एउटा तीतो यथार्थ के छ भने नेपाली समाजमा फिल्मलाई अझ गम्भीर रुपमा लिइदैन । हल्का र टाइमपास जस्तो मात्र ठानिन्छ । प्रगतीतर्फ उन्मुख भए पनि कलाकर्मीलाई हेर्ने दृष्टिकोण अझ साँघुरो छ । र, यो सम्मानभावलाई अझ चुचुरोमा पुराउँदै फिल्म उद्योगप्रति सबैले सम्मान गर्ने माहौल सिर्जना गर्नु दायित्व पत्रकारिताको पनि हो । हामीले यसलाई अनुग्रह भन्दा कर्तव्य ठानेका छौं । त्यस्तै, कलाकार र दर्शकबीचको दुरी कम गर्दै फिल्मप्रति अपनत्व भाव विकास गर्न पनि हामी खुलेर लाग्नेछौं ।
© Copyright 2017 by RamailoChha