प्रियंका र सञ्जय राखेर ‘ह्याप्पी डेज’को रथ यात्रा

यही शुक्रबार, बैशाख १४ गतेबाट प्रदर्शनमा आउने फिल्म ‘ह्याप्पी डेजले प्रचारका लागि रथ यात्रा गर्ने भएको छ । भोलि अर्थात् सोमबार राजधानीका विभिन्न ठाउँमा नायिका प्रियंका कार्की र नायक सञ्जय गुप्तालाई रथमा राखेर यात्रा गराउन लागिएको हो । नायक दयाहाङ राई भने उपस्थित हुने नहुने पक्का भैनसकेको निर्देशक मिलन चाम्सले बताए ।

सोमबार विहान १० बजे लगनखेलबाट सुरु हुने रथ यात्रा थापाथली, त्रिपुरेश्वर, दरबारमार्ग, पुतलीसडक हुँदै भृकुटीमण्डपमा पुगेर प्रेसमिटमा परिणत हुनेछ । त्यसपछी पुनः रथ यात्रा सिंहदरबार, माइतीघर, नयाँबानेश्वर, तिनकुने, कोटेश्वर हुँदै सातदोबाटोमा पुगेर टुंगिने छ । पछिल्लो समय नेपाली निर्माण पक्षले फिल्म प्रचारमा नयाँ नयाँ तरिका अपनाउने गरेका छन् । प्रचारका प्रयोग गर्न लागिएको ‘ह्याप्पी डेज’ को रथ यात्राले दर्शकलाई कत्तिको प्रभाव पार्छ, त्यो भने हेर्न बाँकी छ ।

चाम्स इन्टरटेनमेन्ट र लन्डन सिने आईको व्यानरमा निर्मित ‘ह्याप्पी डेज’ मा दयाहाङ राई, प्रियंका कार्की, संजय गुप्ता, दीया पुन, विक्की जोशी, शिशिर राणा, रुपा पुन, रिकेश चाम्स र जेन बकल अभिनय छ । साढे २ करोडको बजेटमा निर्माण भएको फिल्ममा बिपी खनाल, भवानी शर्मा, हिराल जोशी, मिलन चाम्स र डा. अशोक खनाल निर्माताका रुपमा रहेका छन् ।

प्रतिक्रिया
हाम्रो टिम :-
प्रबन्ध निर्देशक/प्रधान सम्पादक : उत्सब रसाईली
अफिसियल फोटोग्राफर : उद्धव रसाईली
बजार प्रबन्धक : कुशल घतानी
ग्राफिक्स डिजाइनर : विजय बस्याल 'टौवा क्रियशन'
हाम्रो बारेमा
एउटा तीतो यथार्थ के छ भने नेपाली समाजमा फिल्मलाई अझ गम्भीर रुपमा लिइदैन । हल्का र टाइमपास जस्तो मात्र ठानिन्छ । प्रगतीतर्फ उन्मुख भए पनि कलाकर्मीलाई हेर्ने दृष्टिकोण अझ साँघुरो छ । र, यो सम्मानभावलाई अझ चुचुरोमा पुराउँदै फिल्म उद्योगप्रति सबैले सम्मान गर्ने माहौल सिर्जना गर्नु दायित्व पत्रकारिताको पनि हो । हामीले यसलाई अनुग्रह भन्दा कर्तव्य ठानेका छौं । त्यस्तै, कलाकार र दर्शकबीचको दुरी कम गर्दै फिल्मप्रति अपनत्व भाव विकास गर्न पनि हामी खुलेर लाग्नेछौं ।
© Copyright 2017 by RamailoChha